第十一篇--夏日全方位防曬(the sun aint shining no more)

多多支持，希望你地keep 住俾Dcomments 同推薦我啦，我先有出文嘅動力呢!

應上一篇文，我會分享下一D我愛嘅歌..

超愛 asteroidsgalaxytour 

日日都覺好曬，有睇我以前嘅文嘅sis 都知我有去cosmax 打laser facial, 打完之後醫生再三叮嚀嘅野就係唔好曬，真係好重要...所以我盡量留係室內，去街一定都係係室內(係, 我係一個好腐的女孩子，不愛戶外，不過我咩運動都識玩ga, 單車，游水，大部分球類都識! 哼) 

即使係咁，都要防曬，我返學，係室內做野，成日都有搽防曬，我放下裝甲之時，係我沖涼之時，(我一時有想過，因為有一個sales 姐姐恐嚇過我，電腦的UV係很強的, 請各位sis 幫我解答係真定假)，總之UV係我嘅敵人，我做gel 甲嘅時候，我心入面很怕我的手會黑...>.<..手有感在被入侵..wuwuwuw~

以下係我一D防曬用品，同大家share:

第一樣係 Shiseido 的 防曬:

呢支我用咗好耐，搽面的，唔lup, 又係PA+++，好我鐘意，最重要都係唔lup

----------------------------------------------------------------------------------------------------------------------

第二樣係呢兩支"噴"的防曬:

一支係skin food, 防曬度唔係好好，只係PA++，感覺又lup 少少，呢D噴嘅防曬我會用係手同腳(腳面一定要，成日唔小心呢一個地方)，因為出門好趧，噴一噴，用手好快一搽就走得...

另一支噴就係Gowoonsesang，呢一支好鐘意，噴完唔係好LUp(都有少少lup 啦), 不過好涼，同埋好香, 佢話可以噴面，不過我都係噴身~

--------------------------------------------------------------------------------------------------------------

第三樣係粉狀的防曬:

我只係買過呢個manning 牌的，我好唔鐘意，好難搽的平均，一tat tat, 咁令個skin 嘅色好怪...同埋有感佢block 死哂我嘅毛孔，我以家無用了，大家sis 有係用類似的呢?

大家一切分享下防曬心得啦..

ps 睇大家的blog成日都有試用品，係D品牌approach 你地定係要點先有嘅呢，我都好想可以試呢，可唔可以教下我..

(第十篇) 我愛Dior— 自己都想鍚自己一啖

請大家多多支持，你的回覆及支持是我出文的原動力喔

 < 以後我都想post 埋一D我鐘意嘅歌同大家分享..好嗎? 咁大家可以一路听歌一路睇文

影得唔好..XP

買咗呢支唇膏已經好耐，之前受到佢地send黎嘅試用裝，我無影到，係網上面搵到一張相，頂住先，個一期送埋一支試用裝的Dior snow

係人地嘅相..sor 

先講Dior addict 唇膏先，個tester 只係一次性好似一個嘴唇咁印落去，用完真係好開心，個色好arm 自己，桃紅色，連自己都想錫自己一啖。所以我就決定去買啦，不過我想睇下yahoo拍賣上面有無賣，不過發現佢地只有舊款，原來呢隻色都係出咗好耐。只係kate moss 再出，dior 就再包裝過哂成條line..

到dior snow(beige), 係一個好細滑嘅base, 又防UV SP+++，一用就feel到係靚野。雖然我無暗瘡，但都想有一D修飾作用嘅base。佢真係一隻base, 應該要再加埋粉底先得。同埋有少許油油地。都ok 的。

(第九篇) 美容院之分享2-- 我愛jet peel (高壓純氧換肤療程) @ 不同美容院

 請大家多多支持，我才有出文的動力喔~~

大家有怪莫怪，我係會真心分享，唔會咩都話好的(睇過我之前的blog都知)

唔知大家有無听過咩係jet peel 呢(其實唔係咩新技術)，簡單黎講佢係用一支好似槍嘅野同"勁"好高速咁噴射生理鹽水+氧氣，你就會感受到好凍好正嘅感覺，好似幫你洗斫洗的好乾淨咁，坊間有好多唔同嘅jet peel 療程..有幾十到幾百到千幾都有..=.= ..唔同療程就會用唔同嘅jet peel 機同不同精華素啦..

不同療程:

1:幾十=.=:  http://www.kwancindybeauty.com.hk/content2.php#2

2: 幾百: http://hk.myblog.yahoo.com/jw!hxCSpzKBFRnDMyXliLGa0yPNMA--/article?mid=2171

3, 千幾: http://www.medicone.com.hk/price_bodyjetpeel.php

以下幾條片都係有講jet peel 嘅資料，如果sis 唔明又無听過，可以睇下..又有beautyQQ ga..^^

我去過兩間美容院做jet peel, 一間係pearl de beaute (中環，CWB, 尖沙咀, 元朗), 一間係叫 sense of pure(尖沙咀)

errrrrrrrrrrrrr........... (兩間我都唔recommend) (不過先指聲明，呢個facial 係好正!!!)

Pearl de beaute @ jet peel: 其實我一開始去pearl de beaute 唔係做jet peel (我真係好 O 咀)，我係去做RF。不過佢個supervisor 真係係咁sale 你，sale到你死，同埋我真係好嬲，佢地好古惑，會拎個舊嘅promo俾你睇..(總之所有美容院嘅古惑野佢做哂啦)，你地係唔會係佢個internet 見到jet peel 幾錢，就算係都係假的，海鮮價! 成日都話同個客夾單先可以平俾你ga ja..你今日一定要join la..(各位sis 要小心)

講番佢個jet peel, 我係做面的，成千蚊一次，其實效果係好，全面佢會噴兩至三次，完咗之後會fu 一個collagen mask (係matricol ...正野，我會出文介紹，係醫學mask) 

做完真係白哂同埋有埋 lifting 嘅功效，毛孔收哂~ 成個人好舒服，可以last 兩三個星期

Sense of pure @ jet peel: 就係因為知道呢個 jet peel 嘅好，我好想做埋背，不過背係不嬲都比面貴，(因為面積大D)，我就搵到sense of pure，因為我見廣告個機係同pearl de beaute 用同一種機，心諗咁應該一樣啦! 同埋我去之前有睇lok lok 的blog ..佢都係sense of pure fans

http://hk.myblog.yahoo.com/vivi-shop/article?mid=2919

價錢係350，佢寫係298，但佢會問如果做埋spray 就要350，我心諗算啦，都係想好，都要埋。

不過，有D失望，雖然用同一部機，感覺差好多，佢個jet D 力好唔夠，完全無高壓感，我即刻心諗唔通因為試做? 慳住D氧氣? 做完一次，感覺唔好，就無join 了。Carmen (老闆娘亦係佢幫我做)係好好心，成個果程都好俾心機，又搵D一包二包野幫我熱fu..又見佢有自家整D皂買...

后記:

想試的美容院：有見jet peel 係好野，只係我唔鐘意以上兩間美容院，我一定會search 到好為止!

我想試: http://hk.myblog.yahoo.com/hbphk/index?l=f&id=34 <=唔知大家有無咩好介紹呢?

(呢一個相唔係我影的)唔好意思，我個時無影相，不過我上網search過呢部野係咩東咩..大陸野，香港代理，唔係好貴，不過你無理由買番屋企做，又要買支氧同鹽水，唔同一般嘅機可以...

(第八篇) 我愛手手腳腳SPA! (脫腳皮經驗+護腳心得)

請多多支持，多支持，多comments!!!!!

------------------------------------------------------------------------------------------------------------

女仔成日只係搞塊面，個身，真係顧到頭就顧唔到D手手腳腳。如果你成日都會著高跟鞋，隻腳就一定要搞搞佢啦!

(我係街見到一D靚靚嘅女仔，個人又靚身材又好，不個隻腳龜姴，真係駭人~

-----------------------------------------------------------------------------------------------------------

愛美ge sis 有無睇開beautyQQ 呢？ 我覺得佢ge video 係最好睇，又有質感，佢又只係分享心得，唔係sell野，(唔似得袁XX)

佢都有講過脫腳皮經驗ga~

本人經驗:

我個人同queenie一樣認為都唔係甩得好勁，要甩成個星期，有D煩，個個星期就唔可以隻涼鞋出街啦~結果係好咗20%左右

-----------------------------------------------------------------------------------------------------

平時都要護理ga 

呢一對就係我係taobao網買的護手護腳套，唔係D咩特別野，只係100%純綿製造，因為有無發現成日搽完D野都會full唔到耐呢，咁就可以係你訓緊覺嘅時候為你嘅手腳做SPA la

呢一個係係crabtree 買嘅護腳急救 60秒kit (英國買的，個時大減價^^) 一支係磨砂，一支係 feet lotion，好潤~^^

(第七篇)美容院之經驗分享(1) —御用美容院COSMAX (靚靚皮膚之旅)

打得好辛苦ga, 請大家多多支持la

前言: 年紀小小嘅我去美容院都算叫去得多，不過可以話，十居其九都係差的經驗，唔係手勢唔好就係太hard sell。都有例外嘅，以家我只會係固定咁去一兩間真係work嘅美容院，其餘真係有試做價想試下先去(不過真係會好小心，死都唔join course 個種)

 

講少少背景：我皮膚本身唔係好亦唔係好差，周期性會出暗瘡，同埋青春期時(15，6歲)時最勁><，所以在此同一D好細個嘅sis 講，如果你係青春期出暗瘡就唔好花太多錢去搞佢，只要做多D清潔同唔好擠佢，因為花錢花時間佢都係會出…

御用美容院一號：COSMAX~ 睇好多blog同forum，你會發現Cosmax真係好低調，你唔會發現佢嘅打手，佢唔會對外有咩免費試做，佢都真係幾堅，同埋唔開分店。我睇過babykingdom有人話佢唔得，佢地講嘅野都令我有少少懷疑(唔知啦 XP )

$$$$: 其實Cosmax都係貴，但我對佢一開始就咁有信心係因為有朋友從爛面到無哂事都係靠Cosmax。 我join 佢地嘅course 係早從黎嬰時代已經join， 可想以知有幾耐。 我都好想黎醫生快D無事再幫我地做treatment >.<，佢係無人可以取替呢，非常細心，有D位連我係客都話唔緊要啦，佢都堅持會話俾我打多少少=.=” 一個完美主義者，難怪黎姿D皮膚咁靚(我有係cosmax 見過佢)

我其實只有join 佢laser facial 療程，以前就5千幾有5次，不過以家就成 $8100 5次，試做價听講都唔同咗，不過我都唔駛再打一個月一次咁密，一兩個月打一次就ok 了，有D sis 係forum 話打完之後一年就又出返哂，大家明咩事啦，大佬，你都會老同要keep 住先得ga…世事無永久的…

我都有試過去其他美容院做過laser facial，發現Cosmax係最professional 同D機夠勁，打完我真係痛到死(不過真係要搵arm 一個治療師，因為我試過有D唔係好得)，有經驗的佢地夠膽打勁D。

Laser facial 一般會幫你打兩個機(唔好問我咩名，個D美容院作個D名真係記死人，我只係記得個過程)，一部係好似針拮，一部係熱的。做完只會幫你搽一D保濕同防曬，唔似其他美容院會幫你整咩mask 按摩個D。(有就好了..>.<)

醫生：如果你有野問醫生，每一次做treatment前都可以要求見佢(join 咗course 就唔駛加$了)，都唔錯，因為我個人本身都幾煩，又多狀況，每一次都一定有D野要問醫生，有一次我隻眼皮敏感(超驚!)，就乘機問醫生點算(哈哈，好似世界末日咁)，林醫生就開咗一隻藥俾我搽咗四日就無野lu ^^。同埋佢藥房D野好平，唔係要賺你$的。講開醫生，佢地有蕭醫生同林醫生(一女一男)，好多人都話蕭醫生好，係女醫生，細心D，人又靚。係，佢係靚，不過我會想見林醫生，(他不是靚仔)，因為我個人認為佢個人nice D 同埋佢多D時間听我講有咩問題。太多人要見蕭醫生了，如果要見佢好多時係要打打下laser佢走入房見，disturb 哂。最想就係黎嬰醫生出山~加油，早日康復

Cosmax product：拿，呢個位就係賺錢嘅，不過如果product有效，人地賺錢都無問題，Cosmax D product 係唔講究包裝的，好簡樸。用過幾隻OK，保濕gel，洗面乳。唔好個D唔講=.=” 你地有興趣知先pm 我啦。

以下的我都有買過:

 

 

另一個我一直諗住做同真係有效嘅treatment 就係affirm! 我提及的爛面朋友就係做完呢一個無事! 2500一次(局部)，唉，貴~ 同埋我都唔係有凹凸疤個D，係想更完美同收毛孔~再諗諗先

後記：真係好感概，join 咗cosmax 多年，發現佢係好，不過只從黎醫生出事後，都唔同咗好多，(加上光學美容以家真係好普遍，以前6、7年前D人覺得打laser 好得人驚)另外人事上佢地係變得比較亂，櫃面D姐姐仔成日都唔同樣，我個file佢地都可能會整亂，不過我做客嘅唔會理佢地咁多，總之佢整好我塊面，希望cosmax 會改善

(第六篇) 安麒產品之酵精

請大家多多支持，多comments 加多推薦~

之前有sis 係blog 到講到有興趣安麒產品中叫做最出名的酵精。唐小姐佢堅持酵精唔係市面所買的酵素(enzyme)，酵素早排好出名，係sasa有售，本人無試過，不過羽翹就話佢試過，無論听佢描述同講都係同安麒小姐的酵精很相似，我看了也心裡一沉，因為價錢差一大截，酵素平好多。[flash]

安麒的排毒酵精佢堅稱係由七十種無農藥、零污染的新鮮蔬果、高山植物類、海藻類及草本植物類綜合發酵而成。

本人試過排毒酵精同五行酵精：

排毒酵精：味比五行稍濃，睇過好多blog話最少要飲一至兩個月，跟住先飲五行去keep。價錢比五行都貴一大截。我依足指示去做，每日早晚都飲，早上一定要空肚飲(否則無去得咁好，唔好飯後飲，效果差好多)，結果係每日都有得去廁所，唔會肚痛亦唔會瀉，不過便便是爛爛地的。皮膚係好了小小(真係小小咁多，我諗排得好自然好)。不過我無瘦到=.=

五行酵精: 儘管如此，我勇敢不停試嘅精神都係叫我試埋五行。個價平一大截，飲都放鬆D。個肚搞黎搞去嘅感覺小咗，好明顯係效用小咗，所以我飲咗一支半，就無再買。

結論：一點都沒有瘦到

排毒酵精

(第五篇) 我愛美白--Ionic White

第五篇啦，請大家多多支持，或者你地可以comment我有咩可以改善之處，我會努力寫同改善的

 

(真係好奇怪，我最認為多人睇的個篇 alqivima:

http://www.theztyle.com/blog/space.php?uid=42092&do=blog&id=98072

反而無人comments)

 

好開始言歸正傳

 

唔係人人都要皮膚白，不過我估全天下嘅人都要白嘅牙齒，美國人，中國人，非洲人都想D牙白掛..

我有一次係yahoo拍賣發現了一個"高科技"產品，我係美國睇電視嘅as seen on tv 買成33美元的!!!

就係佢! IONIC WHITE

超平! 只要75元有駛所有野，六支gel (我用了，所以沒有屍骸可影)，兩支spray 同一部機，抵抵抵~

我立刻買了=.=

 

很恐怖的光..=.=

 

其實，我應該諗一諗自己有係呢個需要先去買，本人牙齒都健康，定期半年睇一次牙，唔知係咪美白美到傻咗

 

用法係一次過會用哂六支gel，"ji"落個機到，兩排牙齒就放在機上的膠上照燈

 

感覺: 用法好似好方便，不過你都一定要攞成晚時間去搞呢壇野，同埋牙齒會感到一點怪感覺，同埋效果係我排牙上不是很明顯，話雖如此，我上網睇好多review都話幾有效，同埋係平啦，全部野都係75蚊同埋包電wor..(自我安慰中[flash]

 

哈哈，買唔買大家去決定啦..^^